ឧត្តរមានជ័យ : កាលពីថ្ងៃអង្គារ ទី០៨ ខែមិថុនា ឆ្នាំ២០២១ រដ្ឋបាលខេត្តឧត្តរមានជ័យបានប្រកាសផ្អាកជាបណ្ដោះអាសន្នអាជីវកម្ម មន្ទីរពហុព្យាបាល និងសម្ភព សំរោង ស្ថិតនៅភូមិ សំរោង សង្កាត់សំរោង ក្រុងសំរោង ដែលមានការពាក់ព័ន្ធនឹងករណីអ្នកជំងឺកូវីដ-១៩ ឈ្មោះ ឈុំ ជៀន ភេទស្រី អាយុ៥៧ឆ្នាំ មានអាសយដ្ឋានស្ថិតនៅភូមិអូរស្មាច់ សង្កាត់អូរស្មាច់ ក្រុងសំរោង។
រដ្ឋបាលខេត្តបន្តទៀតថា នាយករដ្ឋបាលសាលាខេត្ត ស្នងការនគរបាលខេត្ត មេបញ្ជាការកងរាជអាវុធហត្ថខេត្ត មេបញ្ជាការតំបន់ ប្រតិបត្តិការសឹករង អភិបាលនៃគណៈអភិបាលស្រុក ប្រធានមន្ទីរសុខាភិបាលនៃរដ្ឋបាលខេត្ត ប្រធានមន្ទីរ - អង្គភាពពាក់ព័ន្ធនិងចៅសង្កាត់ពាក់ព័ន្ធត្រូវទទួលបន្ទុកអនុវត្តសេចក្តីសម្រេចនេះតាមភារកិច្ចរៀងៗខ្លួនចាប់ពីថ្ងៃចុះហត្ថលេខានេះតទៅ៕
